دوره تدريبيه لصناعة الاكسسوار

[نـور]

دوره تدريبيه لصناعة الاكسسوار

دورتنا انهارده بنات كتيره جدااااااا هاتحبها

الاكسسوارات

ازاى تصنعى الاكسسوارات
ايه الادوات المطلوبه
اماكن الشراء
الاسعار

تابعونى دائما

الدوره بالكامل مجمعه ومنقوله من عدة مواقع

المصدر: منتدى الاسره - من قسم: أسرة الأشغال الفنيه الأخرى

---

`xi`ig `I`x`i.`~i.ig iW`tiP`R`d` `RiW`RiJ`m`mi`R` `RiW`RiJ`m`mi`R` `I`x`i.`~i.ig

[نـور]

نبدأ الدرس الأول

الأدوات و الخامات المستخدمة

1-الأدوات

دي اللي بنلف بيها المسمار.. ب15ج

أهم أداتين هنستخدمهم
الزرادية العادية و الزرادية ذات الرأس المدور..

الأولى علشان نفتح و نقفل بيها السلاسل و الزرد..

و التانية علشان ندور بيها المسامير
(كل دة هنفهمه أكتر الدرس اللي جاي ان شاء الله)

دول موجودين عند محلات الخرز..أو أى محل عدد

أهم أداة الزرادية ذات الرأس المدور..أهم من الزرادية العادية

=====================

2-الخامات:

استك

الأستيك فيستخدم في عمل الغوايش..و البكرة دي ب5.50ج
لأنها ملونة..

عندنا المسامير..

و الزرد..





و دي يعني حلقات الربط..
و المسامير بتيجي في مقاسين..طويل و قصير..
و كذا لون..الفضي و النحاسي و الذهبي.
.بس أنا بفضل الفضي لأنه بيمشي مع كل حاجة..

كمان المقاس الطويل لأنك ممكن تستخدميه
مع كل أحجام الأحجار..

أما الزرد فبيجي في كذا مقاس برضه..
دة الصغير منه..و فيه وسط و كبير..
و برضه بيجي في نفس ألوان المسامير..أنا بفضل الصغير لأن شكله بيكون أشيك في الشغل..

و دول ال5جم بجنيه

السلاسل

سلسله صغيره

..عندنا كذا حجم..الصغير و الوسط و الكبير..بالنسبه للوسط
والصغير دول المتر ب3ج..

أما الأكبرشوية فمنه المتر ب4ج..
والأكبر أوي ب7ج..
و الأسعار دي في محل زرارة بالأسكندرية.
و موجود في المنشية..و له فرع في القاهرة برضه

[نـور]

أما عن الخرز و الأحجار فالخيارات كتير..


البني المربع الكبير الواحدة ب20قرش..




الحجر الطويل البيج منه كل الألوان و دي الواحدة بجنيه..






و الألماظة الزيتي الطويلة
برضه بتيجي كل الألوان و الواحدة بجنيه..





أما الحجر الكحلي فدي
الواحدة ب20قرش هي و الموف






اللولي الأبيض




الفرع من الحجم دة ب5ج..و الوسط ب8ج....و الأكبر ب10ج





..أما كل الخرز الصغير القلوب و الأشكال البحرية و الألماظ و باقي الصغير..فكل دة ال5جم بجنيه






قلوووب






مربع بنى صغير

..أما الصدف فدة طبيعي..و برضه ال5جم بجنيه..
لكن لأنه تقيل و بيوزن هتجيبوا منه كتير..
يعني الشوية دول ب5ج..
و أخدت منهم في شغل ميداليات الموبايل و سلسلتين مفاتيح..









الأقفال رخيصة..الواحد ب00.50ق بس





..و ميداليات الموبايل بالجملة ال100بيعملوا25ج..





دول ميداليات الموبايل..الأسود جاهز....و الفضي بالمتر..لكن الجاهز أفضل..بيكون فيه قفل








العملات



دي ممكن نستخدمها في الأنسيالات..بيكون شكلها حلو أوي..وسعرها كويس


اشكال اخرى







بنى








خرز شفاف زيتى




خرز على شكل ورده

============================


أتمنى أكون قدرت أفيدكم..
و لحد هنا انتهى الدرس الأول..
الدرس التاني ان شاء الله هنشتغل فيه أنسيال بسيط من الأصداف..
و ممكن نستبدل الصدف بالألماظ الصغير أو أى خرز مناسب يعجبك


تابعو الدرس الثانى

[ملاك]

رائع رائع رائع اختى وحبيبتى نور بارك الله فيكى
نور أعتبرنى أول تليميذه عندك وهتابع معاكى بشغف أن شاء الله لانى نفسى قوى اتعلم الحاجات دى بس استنى بقى عليه يوم ولا يومين علشان اجهز الحاجات الى انتى قولتى عليها

[monakabara2]

very beautiful topic

بصراحة يانور موضوع جديد ورائع
وأنا كان نفسي أعرف عنه الكثير لأني أبيض ياورد في موضوع الاكسسوارات بالذات.. وعشان كده فرحت جدا لماشوفت موضوعك.. وخاصة ان فيه معلومات دقيقة عن كل شئ صغير أو كبير يخص الاكسسوارات .
فأنا ان شاء الله متابعة الموضوع معاكي وأى قطعة حتنفذيها وتكون مناسبة لي ححاول أنفذها وأوريكم شغلي .

تحياتي ياغالية