حبيباتي جبتلكم النهاردة طريقة سهلة بس مش سريعة لعمل عجينة( الميل في) وعملت منها شوية حاجات ان شاء الله تعجبكوايلا نبتدي
أولا : المقادير
نص كيلو دقيق-نص ملعقة صغيرة ملح-مياه حسب الحاجة(او حوالي 200 جم) -عصير ليمونة
ثانـــــــيا: الطريـــــــــقة
تخلطي المقادير وتعجنيها كويس حتى تتكون لديك عجينة لا تلتصق باليد تفرديها شوية وتتركيها مغطاة حوالي نص ساعة
بعد كدة ترشي عليها دقيق وتفرديها بالنشابة بحيث سمكها يكون حوالي نص سم او 1 سم بالكتير وتنظيفيها من الدقيق كويس وتضعي الزبدة(500 جم)في منتصف العجينة
وبعدين تطبقي العجينة ع الزبدة وتفرديها حتى تلتصق بها الزبدة وتنظفيها من الدقيق كويس وتطبقيها تاني وتنظفيها وتضغطيها وتترك في الثلاجة
وتكرري الموضوع ده اربع مرات بين المرة والتانية ربع ساعة (بصراحة ايديه اتكسرت)
وده شكلها النهائي
انا بقى عملت منها ايييييييييييييييييه
1) كيش لورين (دي فطيرة فرنسية)
بتاخدي قطعة من العجين -نص كوب لبن (حوالي 150 جم) -ملح - بيضتين - جبن رومي مبشور - فلفل اسود - جوزة الطيب - لحمة مفرومة ومعصجة(تتبيل اقل من العادي)
نضرب (البيض - الفلفل - الملح - اللبن - جوزة الطيب المطحونة) وتفردي العجينة في القالب وتضعي اللحمة والجبن الرومي وبعدين تسقي الصينية بخليط البيض وتدخل الفرن لحد ماتستوي معاكي حوالي نص ساعة او اكتر شوية
وده شكلها بعد ماطلعت من الفرن
عملت منها كمان شكل النظارة قطعة من العجينة وتفرديها وتقصيها بحيث تبقى مستطيل
وبعدين تدهنيها بيض وترشي عليها جبن رومي مبشور وتطبقيها من الناحيتين لتتقابلا
وتقطعيها بالشكل ده
وتسيبيها في الثلاجة شوية وبعدين تدهنيها بيض و تدخليها الفرن وده شكلها بعد الخبز
وعملت كمان ايه
ساليزون محشي بالجبن الرومي واللانشون انت ممكن تحشيه زي ماتحبي برده تفردي العجين وتقطيعيها دواير صغيرة زي كدة
وتحشيها وتقفليها زي القطايف بالشوكة تبقى كدة
وتدخليها الثلاجة شوية وبعدين تدهنيها بيض و تضعيها في الفرن فتطلع كدة
عملت كمان ميني بيتزا بنفس طريقة البيتزا العادية بالظبط وده شكلها قبل ماتدخل الفرن
وده شكلها بعد ماتطلع بس بتقطعي العجينة سميكة شوية يعني 1|2 سم
وممكن تعملي شكل الحلزون وترشيه سكر او ساليزون صوابع بتفردي العجينة في الصاج وتقطعيها شرايح بطول الصاج يعني حوالي عرض 2 سم في طول 8 سم وتدهنيها بيض وترشيها جبن مبشور وتخليها الفرن او الكورنيه بتفردي العجينة وتقطعيها شرائح عريضة وتلفيها على شكل قرطاس وتدهنيها من جوة بيض وتدخل الفرن وتحشيها حسب الرغبة ممكن تعمليها بسكوتة ايس كريم
اتمنى انها تعجبكو
منقولالمصدر: منتدى الاسره - من قسم: مطبـــــخ الأســــــــره`X`i.io` `diSiW `d`'i.iP` `RiWiSi.iW i[`Ri `~`RiW`ti` iSiPioiiW `RiWiW`liS `~`RiW`ti` `iWiS `d`'i.iP` i[`Ri
رد مع اقتباس
المشاركة الأصلية كتبت بواسطة صغيرونة
