صفحة 1 من 3 123 الأخيرةالأخيرة
النتائج 1 إلى 5 من 14

الموضوع: طريقه حرده الكم والصدر

  1. #1

    افتراضي طريقه حرده الكم والصدر

    رجاء حد يقولى ازاى اعمل حردة الكم
    وسبعه او مرد للصدر

  2. #2

    افتراضي رد: طريقه حرده الكم والصدر

    السلام عليكم ورحمة الله وبركاته
    انا زعلانه منكم جدا لانى طلبت مساعده
    وما فيش حد رد عليا مع ان طلبى اكيد اغلبكم
    يعرف يرد عليه
    افيدونى افادكم الله

  3. #3

    افتراضي رد: طريقه حرده الكم والصدر

    اهلا بك مانوووووو
    اوعى تزعلى حبيبتى حقلك علية معلش الايام الماضية لم ادخل المنتدى
    نبدا بحردة الابط

    توجد لحردات الابط 3 انواع
    حردةالابط المربعة والمدورة والرجلان
    اولا حردة الابط المربعة وهى اسهل الحردات
    نبدا بشغل القطعة المختارة اذا كانت بلوزة اوبلوفر اوفستان او جاكت
    نشتغل الطول المناسب حتى نصل لحردة الابط
    نترك او نقفل فى اول السطر من الجهتين 8 غرز او عواميد للكبار
    وللصغار نترك 5 غرزاو عواميد بدون شغل حسب نوع الشغل اذا كان تريكو او كروشية
    ثم نشتغل حتى طول حردة الابط المناسبة مع عمل حردة الرقبة
    ثم نقفل غرز الاكتاف على 4 او 5 مرات لعمل الكرف للكتف
    وكدة نكون انتهينا من حرة الابط المربعة
    الحردة المدورة

    نترك او نقفل فى اول السطر من الجهتين5 غرز او عواميد للكبار
    وللصغار نترك 3غرزاو عواميد بدون شغل حسب نوع الشغل اذا كان تريكو او كروشية

    ثم نترك اونقفل فى اول واخر ال7 اسطر التالية غرزة او عمود

    ثم نترك غرزة او عمود فى سطر ونترك سطر بدون تنقيص 5 مرات

    ثم نشتغل بدون تنقيص حتى طول حردة الابط المناسبة مع المحافظة على عمل حردة الرقبة

    ستجدين هذة الحردة عبارة عن نصف دائرة كانها مقصوصة بمقص

    حردة الابط الرجلان


    ابدائى بتنقيص 5 غرز او عواميد فى بداية السطرين التاليين


    ثم اقفلى غرزة او عامود فى اول واخر السطر


    ثم اشتغلى السطر التالى دون تنقيص يعنى التنقيص فى سطر وسطربدون تنقيص


    مع عمل حردة الرقبة حتى يصبح على الابرة غرزة واحدة اقفليها


    وكدة انتهينا من حردات الابط كلها


    حردات الرقبة

    حردات الرقبة 4 موديلات اما مدورة او على شكل 7 او مربعة او سابرينا


    ودائما حردة الرقبة تعمل مع حردة الابط

    حردة السبرينا

    فى هذة الحردة يكون الامام مثل الظهر

    نشتغل البلوزة حسب الطول المطلوب حتى الكتف ثم نقسم عدد الغرز على 3 ثم نشتغل الثلث الاول ونقفل الثلث الثانى

    ثم نشتغل الثلث الثالث

    كدة يبقى معنا ثلثين نقفل كل ثلث على 3 مرات يعنى نقسم عدد غرز الكتف على 3 ونقفل االثلث الاول ونشتغل باقى

    الغرز ثم نرجع ثم نقفل الثلث الثانى ثم نرجع ثم نقفل الثلث الثالث وكدة نكون قفلنا الكتف الاول

    ثم نشبك الخيط فى الكتف الاخر ونشتغل سطر ثم نقفل مثل الكتف الاخر والحردة فى الكروشية والتريكو واحدة

    قفل الغرز للكتف يكون من اول السطر وليس من عند حردة الرقبة


    حردة الرقبة ال7

    اولا للظهر

    نشتغل حتى الاكتاف ثم نقسم عدد الغرز الباقية بعد حردة الابط على 3 ثم نقفل الثلث الاول على 5 مرات ثم نترك الثلث

    الثانى على دبوس اذا كان الشغل تريكو اما لو كروشية يبقى اتقفلوا لوحدهم ثم نقفل الثلث الاخير مثل الثلث الاول

    ثانيا للامام

    وهنا تبدا حردة الرقبة بعد ان نقفل ال5 غرز او العواميد الاولى من حردة الابط وننقص الغرزة او عمودفى اول واخر الثلاث سطور

    ثم نبدا الحردة مع تنقيص السطر الرابع وهنا يحصل الاتى نقسم عدد الغرز على 2 ثم نشتغل هكذا

    ننقص غرزة اوعمودفى اول السطر ثم غرزة فى منتصف السطر ثم غرزة فى اخر السطر

    كدة اصبح الشغل مقسم لقسمين نشتغل كل قسم لوحدة وننقص الابط حسب ترتيبة وننقص غرزة اوعمودلحردة ال7 فى

    سطرونترك سطر دون تنقيص ونشتغل هكذا حتى نصل الى طولى حردة الرقبة واللابط المطلوبين ثم نقفل الاكتاف

    على اربع او خمس مرات
    وكدة يبقى انتهينا من حردة الرقبة السبرينا وال7

    حردة الرقبة المدورة

    اولا الظهر مثل حردة الظهر للغرزة ال7

    ثانيا الامام

    اذا كانت صغيرة تبدا مع نهاية حردة الابط اما اذا كانت كبيرة وواسعة فتبدا مع بداية تشكيل

    حردة الابط من تنقيص سطر وترك سطر دون تنقيص وهى نقسم عدد الغرز او العواميدعلى 3 بحيث

    تكون الجهتين اكبر من الوسط بمقدار 18 او 20 غرزة او عمودثم نلقط غرز الوسط على دبوس

    فى حالة التريكو اما فى الكروشية يتركوا دون دبوس


    ثم ننقص غرزة او عمودفى الخمسة اسطر التالية من جهة الرقبة مع المحافظة على التنقيص جهة

    حردة الابط ثم تنقيص سطر وترك سطر دون تنقيص 3 مرات ثم نشتغل حتى يصبح طول

    الحردة للابط مساوى لحردة الظهر ثم نقفل غرز الكتف مثل الظهر

    الحردة المربعة

    اولا الظهر

    وتبدا مع بداية حردة الكتف

    اقفلى 6 غرز او عواميدفى الاربع اسطر التالية ثم اقسمى الغرز او العواميدالباقية على 3 بحيث يكون الجانبين


    اكبر من الوسط بمقدار خمسة غرز او عواميدثم القطى غرز الوسط على دبوس فى حالة التريكو ثم ابدائى بالتنقيص

    3 غرز او عواميدجهة فتحة الرقبة والست غرز للكتف مرتين ثم اقفلى جهة الرقبة مرة اخرى ثم

    اقفلى باقى الغرز ثم اقفلى الجهة الاخرى مثل الاولى

    ثانيا الامام

    وتبدا مع نهاية حردة الابط من تنقيص سطر وترك سطر دون تنقيص

    مع اخر سطر من الحردة نقسم عدد الغرز او العواميدعلى 3 ثم نلقط غرز الوسط على دبوس فى التريكو

    ثم نشتغل الجهتين دون تنقيص حتى تصبح حردةالابط مساوية لحردة ابط الظهر ثم نقفل الاكتاف

    مثل الظهر


    كدة انتهينا من جميع حردات الرقبة

    طريقة حردات الكم

    حردة الكم

    اقفلى 5 غرز فى بداية السطريين التاليين

    ثم انقصى غرزة فى بداية ونهاية الخمسة اسطر التالية

    ثم انقصى فى سطر واتركى سطر دون تنقيص 7 1مرةثم اشتغلى سطر دون تنقيص

    ثم انقصى غرزة فى بداية ونهاية السبع اسطر التالية

    ثم اقفلى 4 غرزفى بداية الاربعة اسطر التالية ثم اقفلى باقى الغرز مرة واحدة

  4. #4

    افتراضي رد: طريقه حرده الكم والصدر



    م
    مش عارفه اشكرك اد ايه يا ام سامح
    بجد انا تعبتك معايا جداااااااا
    بس مش هكدب عليكى الموضوع مش سهل خالص
    وعايزه اسألك انتهنا بتقول



    ترك او نقفل فى اول السطر من الجهتين 8 غرز او عواميد للكبار
    يعنى ايه نترك يعنى اعديها ما اشتغلهاش ولو تركتها او او قفلتها هتكون النتيجه واحده
    وكمان مش فاهمه ديه
    م نبدا الحردة مع تنقيص السطر الرابع وهنا يحصل الاتى نقسم عدد الغرز على 2 ثم نشتغل هكذا

    ننقص غرزة اوعمودفى اول السطر ثم غرزة فى منتصف السطر ثم غرزة فى اخر السط
    انقصها ازاى والسطر الرابع كله هيتنقص معلش يا ام سامح انا عارفه انى ممله فى اسئلتى
    اصل انا مش متمكنه خالص فى التريكو
    اسفه للازعاج

  5. #5

    افتراضي رد: طريقه حرده الكم والصدر

    [


    ترك او نقفل فى اول السطر من الجهتين 8 غرز او عواميد للكبار
    يعنى ايه نترك يعنى اعديها ما اشتغلهاش ولو تركتها او او قفلتها هتكون النتيجه واحده
    وكمان مش فاهمه ديه
    بالنسبة للحردة وانتى ماشية مثلا اخر 3 غرز اركيها بدون شغل
    ولفى السطر وكملىشغل (دية يعنى ترك الغرز)
    نقفل الغرز حتقلاقى فى قسم التريكو فديو لغلق الغرز
    بالنسبة للكروشية غلق الغرز يعنى تسحبى الخيط من الغرزة من غير شغل

    م نبدا الحردة مع تنقيص السطر الرابع وهنا يحصل الاتى نقسم عدد الغرز على 2 ثم نشتغل هكذا

    ننقص غرزة اوعمودفى اول السطر ثم غرزة فى منتصف السطر ثم غرزة فى اخر السط
    انقصها ازاى والسطر الرابع كله هيتنقص معلش يا ام سامح انا عارفه انى ممله فى اسئلتى
    اصل انا مش متمكنه خالص فى التريكو
    اسفه للازعاج[/quote]
    دية حبيبتى حردة الرقبة اللى فى الوسط بتشوفى عدد الغرز ونقسمها على 2
    ونبدأ فى التنقيص من كل طرف غرزة لو انتى شغالة بغرزة الحشو او عمود لو انتى شغالة بغرزة العمود
    كمان ننقص من متصف لحردة (الوسط) والتنقيص حيكون كذا سطر مش فى السطر الرابع فقط
    وانا حدور لك على فديو لحردة ان شاء الله واى سؤال انا تحت امرك حبيبتى

صفحة 1 من 3 123 الأخيرةالأخيرة

المواضيع المتشابهه

  1. طريقه عمل هاي الغرزه
    بواسطة رفيف في المنتدى الكروشيـــه بالبــاترون
    مشاركات: 12
    آخر مشاركة: 20-05-2011, 08:49 PM
  2. طريقه عمل الحواوشي...
    بواسطة همس القلوب في المنتدى مطبـــــخ الأســــــــره
    مشاركات: 2
    آخر مشاركة: 14-04-2010, 06:17 AM
  3. طريقة الكم بالتريكو
    بواسطة عبير شكرى في المنتدى طلبات واستفســارات
    مشاركات: 3
    آخر مشاركة: 01-04-2010, 04:24 PM
  4. عدت الكم
    بواسطة رفيف في المنتدى التعــارف و التهــــانـى
    مشاركات: 3
    آخر مشاركة: 04-03-2010, 06:02 PM
  5. طريقه عمل الكاتشب
    بواسطة رحمــــــــــه في المنتدى مطبـــــخ الأســــــــره
    مشاركات: 0
    آخر مشاركة: 17-11-2008, 03:36 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •